नागरिकांनी रस्ता सुरक्षा अभियानात सहभागी व्हावे डॉ.हरीष बाहेती

वाशिम :- सुरक्षितता हा जीवनाचा एक मार्ग आहे.रस्ता सुरक्षेबाबत लोकांमध्ये जनजागृती व्हावी,या उद्देशाने दरवर्षी राष्ट्रीय आणि राज्यस्तरावर रस्ता सुरक्षा सप्ताह साजरा केला जातो.रस्ता सुरक्षा अभियान एक महिन्याकरीता मर्यादित न ठेवता वर्षभर प्रत्येक कार्यालयाकडून, प्रत्येक नागरिकांकडून व वाहन चालकांकडून राबवणे गरजेचे असल्याचे प्रतिपादन डॉ.हरीष बाहेती यांनी केले.       उपप्रादेशिक परिवहन कार्यालय, वाशिम यांच्यावतीने 35 व्या रस्ता सुरक्षा अभियानाचे उद्घाटन करण्यात आले.त्यावेळी अध्यक्षस्थानावरून ते बोलत होते.प्रमुख पाहुणे म्हणून शासकीय औद्योगिक प्रशिक्षण संस्थेचे प्राचार्य प्रकाश जयस्वाल,सहायक प्रादेशिक परिवहन अधिकारी श्रीमती समरिन सय्यद,मोटार वाहन निरीक्षक दिनेश सुरडकर व सुजय पगार यांची उपस्थिती होती.