भूमी अभिलेखच्या उप अधिक्षक सोनार यांचा मनमानीचा कळस मोजणी पुढे ढकण्या मांगणी कडे दुर्लक्ष कर्मचाऱ्यांसमोर तीन शेतकऱ्यांनी केले विष प्राशन

संग्रामपुर [प्रतिनिधी ] भूमी अभिलेखच्या उप अधिक्षक सोनार यांचा मनमानीचा कळस काढत तालुक्यातील पळशी झाशी येथील शेतकरी गजानन ढोले यांनी उप अधिक्षक सोनार भुमिअभिलेख यांना मोजणी पुढे ढकण्याची विनंती मांगणी कडे दुर्लक्ष केल्याने अखेर संबंधीत शेतकऱ्यांनी शेतात मोजणी साठी आलेल्या भुमिअभिलेख कर्मचाऱ्यांसमोर तीन शेतकऱ्यांनी  विष प्राशन केल्याने व खळबळजनक घटनेमुळे तालुक्यात भुमिअभिलेख कार्यालयच्या संबंधीत अधिकारी विरुध्द तिव्र रोष व्यक्त होत आहे पळशी झाशी येथील शेतकऱ्यांची शेती मारोड शिवारात असुन सदर शेतकऱ्यांचे सदर शेत प्रकरण तहसिल कार्यालयात न्याय प्रविष्ठ असल्याचे संबंधीत शेतकऱ्याचे म्हणणे आहे  शेत मोजण्यासाठी दिलेली नोटीस ऐनवेळेवर मिळाल्याने शेतकरी गजानन ढोले यांनी उप अधिक्षक भुमिअभिलेख अधिकारी सोनार यांना पुर्वीच रितसर अर्ज देऊन पुढील तारीख देण्याची विनंती केली. ही विनंती उपअधिक्षक सोनार व कर्मचारी यांनी अमान्य करीत भूमी अभिलेख विभागाचे कर्मचारी मोजणीसाठी हजर झाले. यावरून संतप्त झालेल्या  संग्रामपूर तालुक्यातील पळशी झाशी येथील  तीन शेतकऱ्यांनी मारोड शिवारात सोमवारी दुपारी विषप्राशन करून आत्महत्येचा प्रयत्न केला. त्यात शेतकरी गजानन राजाराम ढोले (वय ६५), विठ्ठल ढोले (६०) व रवींद्र ढोले (३५) यांचा समावेश असुन  एकाच कुटुंबातील विषबाधित शेतकऱ्यांची नावे आहेत.संग्रामपूर तहसील कार्यालयात न्यायप्रविष्ट असलेल्या शेताची मोजणी करण्यासाठी भूमिअभिलेख कार्यालयाने शेतकऱ्याला मोजणीच्या दोन दिवसापूर्वी नोटीस दिली. शेतकऱ्यांनी मोजणीची तारीख पुढे ढकलण्याची विनंती केली. मात्र शेतकऱ्यांचे काही न ऐकताच भूमिअभिलेख विभागाचे कर्मचारी  शेतात पोहोचले. शेताची मोजणी सुरु न करता पुढच्या तारखेत करा अशी विनंती करुनही भुमिअभिलेख कर्मचारी आपल्या भुमिकेवर ठाम होते अखेर संतप्त झालेल्या शेतकऱ्यांनी विष प्रशान केल्याचे तामगाव पोलीसांना समजताच तामगाव पोलीस घटना स्थळी दाखल झाल्या नंतर विष बाधीत शेतकऱ्यांना  वरवट बकाल येथील ग्रामीण रुग्णालयात त्यांना उपचारासाठी दाखल करण्यात आले. प्रकृती चिंताजनक असल्याने त्यांना शेगावला हलविण्यात आले आहे. याप्रकरणी तामगाव पोलीसात कोणतीच तक्रार दाखल नाही