मजुराला बेदम मारहाण व खंडणी प्रकरणी ७ जणांविरुद्ध विविध कलमान्वये गुन्हे दाखल ! लाडणापूर येथील घटना

संग्रामपुर [प्रतिनिधी ] सोनाळा पोलीस स्टेशन अंतर्गत लाडणापूर गावा लगत असलेल्या शेतात मजुरास बेदम मारहाण केल्याची धक्कादायक घटना १३ मार्च रोजी घडली लाडणापूर येथील शेतकरीग्यानसिंग सुभानसिंग चंगळ यांच्या संत्र्याचा मळा सोनाळा येथील संत्रा व्यापारी शेख सलीम शेख लुकमान यांनी विकत घेतला व संत्र्याचा मळा तोडणीसाठी मजूर पाठविले तसेच संत्र्याची तोडणी झाल्यावर माल वाहती साठी लाडनापुर गावातीलच ज्ञानेश्वर अस्वार यांचे ट्रॅक्टर वाहतुकीसाठी सांगीतले रात्री ९ वाजताच्या सुमरास व्यापारी शेख सलीम व शेख आसिफ हे शेतातील संत्रा मालगाडी मध्ये भरण्याकरिता गेले असता ट्रॅक्टर मालक व संत्रा भरणारा मजुर ट्रॅक्टर मागे पुढे घेण्यावरून किरकोळ वाद झाला. त्या दोघांनी एकमेकांना लाथाबुक्यानी मारहाण केली ट्रक्टर चालक व मालक ज्ञानेश्वर अस्वार याने नातेवाईकांना फोन करून घटना स्थळी ७ ते ८ व्यक्तीना बोलावले. त्यांनी संत्रा भरणारा मजुर असिफला लाथाबुक्क्यानी मारहाण केली व्यापारी शेख सलीम हे समजवण्यासाठी गेले असता ज्ञानेश्वर अस्वार यांने व्यापारीला सुद्धा मारहाण करून शिवीगाळ केली व शेख आसिफ याला मरे पर्यंत मारा अशे म्हणत त्याला बेदम मारहाण सुरूच होती. त्याला लाठीने हाताच्या दंडावर मारण्यात आले व्यापारी शेख सलीम यास भांडण तंटा तोडण्यासाठी १ लाख रुपयाची मागणी केली. १ लाख रुपये नाही दिले तर शेख आसिफ याचे हाथ पाय तोडून गाडी जाळून टाकण्याची धमकी दिली संत्रा व्यापारी यांनी शेती मालक ग्यानसिंग सुभानसिंग चंगळ यास २० हजार मागून त्यांना दिले शेख आसिफ हा त्यांच्या ताब्यातच होता. त्यानंतर संत्रा व्यापारी याच्या फोन पे द्वारे भूषण उमाळे याच्या फोनपेवर टाकून एकूण ४० हजार रुपये त्यांना दिले त्यानंतरच त्यांच्या ताब्यातुन शेख आसिफ यास सोडले संत्रा व्यापारीने दुचाकीने घरी नेऊन सोडून दिले सकाळी शेख आसिफला वांत्या व त्रास होत असल्याने त्याला प्राथमिक आरोग्य केंद्र सोनाळा येथे प्राथमिक उपचार केल्या नंतर तेथील डॉक्टरांच्या सलल्यानुसार शेख आसिफला शेगाव येथे हलविले फिर्यादी शेख सलीम यांनी सोनाळा पोस्टेला दिलेल्या फिर्यार्दी वरून आरोपी ज्ञानेश्वर श्रीकृष्ण अस्वार, श्रीकृष्ण अस्वार, राहुल अस्वार, रावनकर अस्वार, रामा धामोळे, पुरषोत्तम अस्वार, भूषण अभिमन्यू उमाळे सर्व रा लाडणापुर यांच्या विरुद्ध कलम ३८६ , १४३ , १४७, १४९, ३२४,३२३, ५०४,५०६, खंडणी सह विविध कलमान्वये गुन्हा दाखल करण्यात आला असून पुढील तपास ठाणेदार चंद्रकांत पाटील करित आहे