संग्रामपुर [प्रतिनिधी ] येथील कृषी उत्पन्न बाजार समितीच्या सभापतीपदी प्रदीप भगवान वडोदे तर उपसभापतीपदी उमेश अशोककुमार टावरी यांची अविरोध निवड करण्यात आली. बाजार समितीचे तत्कालीन सभापती भाऊराव पाटील अवचार व उपसभापती संजीव इंगळे यांनी ठरल्याप्रमाणे आपल्या पदांचा राजीनामा दिल्याने दोन्ही रिक्त साठी कृउबास सभागृहात निवडणुक निर्णय अधिकारी सहकार अधिकारी आमले,यांच्या अध्यक्षते खाली तर संचालक यांच्या उपस्थितीत सभापती व उपसभापती निवड बैठक पार पडली. प्रदीप वडोदे आणि उमेश टावरी यांनी अर्ज दाखल केले असता सभापती पदि प्रदीप वडोदे तर उपसभापती म्हणुन उमेश टावरी यांची अविरोध निवड झाल्याचे निवडणुक निर्णय अधिकारी आमले यांनी जाहिर केले यावेळी कृ उ बा स सचिव पंकज मारोडे यांनी सहकार्य केले नवनिर्वाचीत सभापती वडोदे , उपसभापती टावरी यांचे संचालकांनी पुष्पगुच्छ देऊन अभिनंदन केले. यावेळी भाजपा तालुकाध्यक्ष भाऊराव पाटील , भाजपा जेष्ठ नेते रमेश राजनकार , बाजार समितीचे संचालक राजेन्द्र वानखडे अभयसिंह मारोडे , संजीव इंगळे , राहुल शिरसोले व कृ उ बा स कर्मचारी उपस्थित होते.
